Refinans krediti üçün ayrıca müraciət forması yoxdur. Müştəri sme.pashabank.az və ya "PAŞA Bank Biznes" üzərindən “Onlayn biznes kredit”ə müraciət edir. Sistem uyğunluğu qiymətləndirir və şərtlər ödənildiyi təqdirdə təklif müştəriyə çıxarılır.

Müraciət zamanı əlavə olaraq xüsusi bir sənəd təqdim edilməsinə ehtiyac yoxdur. Müştərinin müraciəti onlayn biznes kredit kanalı vasitəsilə icra olunduğundan, standart kredit müraciəti üçün tələb olunan sənədlər əsasında yoxlamalar aparılır.

Refinans krediti hazırda yalnız digər banklarda bitməsinə 3 ay qalmış kreditləri olan müştərilər üçün nəzərdə tutulmuşdur.

Müştərinin digər banklarda mövcud olan və bitməsinə 3 ay qalan bütün biznes kreditləri və kredit xətləri tam şəkildə bağlanmalıdır. Bu öhdəliklər tam bağlandıqdan sonra AKB (MKR) sənədi 2 iş günü ərzində yenilənir və 2-ci refinans məbləğini təsdiqləyə bilir.

Müştəri 1-ci refinansı aldıqdan sonra digər bankdakı öhdəliklərini 15 təqvim günü ərzində bağlamalıdır. Əks halda 2-ci refinans müraciəti imtina olunacaq.

Kreditin müraciəti və verilməsi tamamilə onlayn həyata keçirilir. Rəqəmsal kanallar üzərindən müraciət bank tərəfindən 1 iş günü ərzində dəyərləndirilir və vəsait müştəri tərəfindən seçilən cari hesaba köçürülür.

Kredit şərtləri və tələb olunan sənədlər ilə bağlı linkə keçid edərək tanış ola bilərsiniz.

Biznes kreditinin verilməsi üçün VÖEN-in minimum 12 aylıq fəaliyyət müddəti və rəsmi dövriyyəsi olmalıdır. Kredit dövriyyə vəsaitinin artırılması, mal alışı və s. məqsədlər üçün bank tərəfindən sahibkarlara verilir.

Onlayn biznes kreditlər minimum 5000 AZN olmaqla, 250 000 AZN-dək məbləğlərdə sahibkarların maliyyələşdirilməsi üçün təqdim olunur.

Rəqəmsal kanallar üzərindən müraciət kredit məhsulları üzrə tələb olunan sənəd və məlumatlar təqdim edildikdən sonra bank tərəfindən dəyərləndirilir. Təklifin verilməsi 1 iş günü ərzində həyata keçirilir. Müştəri müqaviləni imzaladıqdan sonra qısa zaman ərzində vəsait müştərinin cari hesabına köçürülür.

Sənədlərin imzalanması üçün "PAŞA Bank Biznes"də zaminlik müqaviləsi nümunəsi əlavə olunmuşdur. Sənədi kağız daşıyıcıda imzalayıb banka kuryer vasitəsilə göndərə və ya "ASAN İmza"/"SİMA İmza" vasitəsilə imzalaya bilərsiniz.

Kredit müraciəti rədd edildikdə, bank imtinanın səbəbini bildirir. Bu səbəb adətən müştərinin sorğusuna cavabda göstərilir. Səbəblər kredit tarixçəsi və dövriyyə kimi amilləri əhatə edə bilər.

Kreditin ayrılması üçün kart olması tələbi yoxdur. Bank tərəfindən ayrılmış məbləğ sizin cari hesabınıza köçürüləcəkdir. Hesabınızında olan vəsaiti "PAŞA Bank Biznes" platforması və mobil tətbiqindən istifadə edərək VÖEN-ə bağlı olan biznes kartınıza köçürə bilərsiniz.